ستة + سبعة = خمستاشر

ساعة .......... وساعة
.
.
بعد سلسلة من المقالات الجادة ...والمبكية..... أحببت أن أروح عن أحبائى وإخوانى بمقالة فيها دعابة ومرح واشترطت على نفسى ألا أقول إلا صدقا .
.
كنا قد حبسنا فى سجن مزرعة طرة فى الفترة من 15 مايو وحتى 12 نوفمبر 2004 وكانت تسمى مجموعة ال 56 وكانت تضم إخوانا من ست محافظات: القاهرة والإسكندرية والغربية والمنصورة وكفر الشيخ والمنوفية.
. .
كان من أبرز أفراد هذه المجموعة "الحاج حسين" من المنصورة... كان صاحب دعابة لا تنقطع...وفى المعارك أسد هصور.
.
6 + 7 = 15.......................؟!
. .
يقول: كانت أختى الصغرى غير موفقة فى دراستها بالمرة، بالإضافة إلى أنها كانت ساذجة إلى حد بعيد. وكان والداى قرويين بسطاء.
.
ذات يوم عدت من عملى فسمعت أختى من داخل غرفتها تقول: يارب ستة وسبعة يبقوا خمستاشر...يارب يارب....ستة وسبعة يبقوا خمستاشر ...يارب يارب.
.
طرقت بابها وسألتها:
فيه أيه يابنت
فردت: ياحسين....هو ستة وسبعة مش يبقوا خمستاشر؟!
قلت لها: لا.... ستة وسبعة يبقوا تلاتاشر.
قالت: أنا جت لى مسألة فى الحساب: 6 + 7 = ... وأنا كتبت خمستاشر...ماينفعش ياحسين؟!
قلت لها: ماينفعش...المهم عملتى أيه فى باقى الامتحان.
قالت: لا ....حليت كويس.
. .
بعد بضعة أيام، كنت فى غرفتى فسمعت صراخ أختى، وأمى تضربها، وتقول لها:
جبت صفر ياخايبة....
وأختى تقول لها: والله البنت اللى غشت منى جابت عشرة من عشرة.....
وأمى تقول لها: وتغششيها ليه ياخايبة.. آهى جابت أحسن منك.
.
استيقظ أبى على صراخ أختى فنادى من داخل غرفته:
بتضربى البنت ليه يا ام حسين؟!
قالت: بنتك جابت صفر فى الحساب.
فرد أبى: وماله... أهو الصفر أحسن من مافيش.
قالت أمى: يعنى الصفر "حلو" يا ابو حسين؟!
فرد أبى: أيوه... الصفر كويس... كل اللى يجيبه ربنا كويس.... سيبينى أنام بقى يا ام حسين.
.
.
عادت أمى إلى أختى فأمسكت بأذنها وقالت لها فى صوت خفيض:
على الله ماتكونيش جبت صفر... وأختى تقول لها: لا.. والله جبت صفر.
.
.
يقول حسين: هنا شعرت أن دماغى "بتغلى"، ورأسى "هتنفجر".... فناديت أمى... فأسرعت إلى وقالت: مالك ياحسين؟!
قلت لها: الحقينى بكباية شاى واسبرينة.
قالت: سلامتك من الوحش ياحسين.
قلت لها: هو بعد الصفر مابقى "حلو" و "كويس".....يبقى فى إيه وحش؟!
قالت: ليه هو الصفر مش "حلو" ياحسين؟!
يقول حسين: فتذكرت العلقة التى أخذتها أختى.... وأبى الذى يريد أن ينام.
فقلت لها: الصفر أحلى حاجة فى الدنيا....... للى زيكو

ملاحظة دقيقة.. ورقيقة.

اعترضت الأخت خديجة عبدالله على العبارة الأخيرة "للى زيكو"

واعتراضها فى محله.. وقد شكرتها... وإنى لأحسب أن التعبير خاننى وأنه لم يقل العبارة بنفس الأسلوب.. ربما قال: الصفر أحلى حاجة فى الدنيا.... بس ابويا ينام ....أو قريبا من هذا.

..............................